Poesía mirandesa. Francisco Niebro

Porque nunca fui capaç
de chamar mãe a mie mai?
Porque hai palabras tan anchas
que quando se séntan an nós
yá naide mais cabe ne l scanho?

...

Las palabras scritas
muorden-me ls uolhos
i bou-las arrascando
cula boç
i dá-me la gana
de las comer cumo chouriças
i apuis aguemitá-las
pa las sentir a ressonar acontra las fuolhas
cumo ribeira d’Abril
a bruar apertada antre pardones.